Pag-ibig, Ano Nga Ba'ng Iyong Anyo?

[Noel]

Minsan ika'y maramot, sa atensiyo'y ayaw ng nakikiamot.
Minsan ika'y mapagbigay,
handang magparaya at maghintay.

Minsan ika'y mistulang bulag,
hinahayaan irog na lumalabag.
Minsan ika'y isang bagong tinig,
maging sa bingi'y hatid ay napakagandang himig.

Minsan ika'y mistulang pipi,
handang magtiis kahit patuloy na inaapi.
Minsan din ika'y mabangis at matapang,
hadang lumaban masunod ka lamang.

Pag-ibig mong tunay at wagas,
Meron na ba ngayong wakas?
Ang pag-ibig mong dalisay,
May bahid na ba itong taglay?

Pag-ibig, ano nga ba ang iyong hatid?
kagalakan, kasiyahan o kirot na walang patid?
Sagutin ang aming mga katanungan,
sa walang katapusang alinlangan.

===
Muli ay isa na naman ito sa mga koleksyon ko na kahit papaano ay nagbigay kasiyahan sa ibang mga kaibigan ko.

Kung nais niyong mabasa ang ibang mga gawa ko ay bisitahin niyo ang aking website.
Baul ni Noel

[Noel]

thanks! there are more on my blog. THanks sa pagbasa.

[Bea Magbanua]

bro,wat nice master piece....ganyan pag true love